Slovenia Esperanto-Ligo

La librovendejo AZIL, la eldonejo Založba ZRC kaj Ligo de organizaĵoj por la teknika kulturo de Slovenio (ZOTKS) invitas okaze de apero de la lernolibro Esperanto al la aranĝo "Esperanto - la universala lingvo", kiu okazos merkredon, la 21an de oktobro 2015, je la 19a horo en la ejo Atrij ZRC en Ljubljana.

En la 36a tradicia renkontiĝo sur Trilimejo inter Aŭstrio, Italio kaj Slovenio sur la montpinto Peč super la vilaĝo Rateče, kiu okazos dimanĉon la 13an de septembro 2015, partoprenos ankaŭ esperantistoj el ĉiuj tri landoj.

La 48-a Konferenco de ILEI okazis de la 17a ĝis la 25a de julio 2015 en Oostende, Belgio. Ĝi havis 170 aliĝintojn el 34 landoj de 6 kontinentoj, el kiuj vere partoprenis 138 el 30 landoj.