La 48-a Konferenco de ILEI okazis de la 17a ĝis la 25a de julio 2015 en Oostende, Belgio. Ĝi havis 170 aliĝintojn el 34 landoj de 6 kontinentoj, el kiuj vere partoprenis 138 el 30 landoj.
Sabaton, la 25an de julio 2015, okazis en la Urbodomo Brežice "Internacia amika esperantista renkontiĝo (IAER)", kiu estis dediĉita al Tago de Esperanto. Ĝin organizis Esperantista klubo de Posavje (EKP), kune kun Slovenia Esperanto-Ligo (SIEL).
Dimanĉon, la 26an de julio - je la tago de la internacia lingvo Esperanto - la matena elsendo de la Unua programo de Radio Slovenio estis dediĉita al tiu ĉi lingvo.
La nova revuo Balkana Verda Stelo aperos kvarfoje jare - en septembro, decembro, marto kaj junio. La nula numero, kiu estas senpage havebla, jam aperis. La abonpago por unu jaro estas 16 eŭroj, por du jaroj 30 eŭroj kaj por tri jaroj 42 eŭroj. La revuo estas destinita por 11 landoj en sud-orienta Eŭropo, krom balkanaj landoj ankaŭ por eŭropa Turkujo, Grekujo, Rumanujo kaj Hungarujo.