Dum la 7-a Internacia Paperteatra Festivalo "Blanka delfeno" en la urbo Piran/Pirano (Slovenio) sinjorino Dragica Ropret Žumer, membro de Esperanto-Societo Ljubljana, la 24-an de aŭgusto alparolis la kolektitajn familiojn per paperteatraĵo en Esperanto.
Antaŭ 137 jaroj, la 26-an de julio 1887, Ludoviko Zamenhof publikigis en Varsovio malgrandan libreton nomitan "Internacia Lingvo". La aŭtoro aperis kiel "D-ro Esperanto" - kaj 'Esperanto' fariĝis la nomo de la lingvo. Ĝi signifas "homo kiu esperas", en Esperanto. Zamenhof esperis, ke lia lingvo disvastiĝos tra la mondo kaj ke ĝi kontribuos al la kompreno de la homoj kaj tiel al la paco. Ja ni ĉiuj scias, ke estas pli facile interkonsenti kun iu, kiam oni povas paroli unu kun la alia kaj pli bone ekkoni unu la alian.
Slovenia Esperanto-Ligo organizas Malferman Tagon okaze de la Monda Esperanto-Tago, kiu okazos vendredon, la 26an de julio 2024, en publikaj ejoj en la strato Grablovičeva ulica 28 en Ljubljano.
Aperis la junia numero de la bulteno Informacije = Informoj.